Бүтэц


МОНГОЛ АРДЫН НАМ нь 1921 оны 3 дугаар сарын 1-нд байгуулагдсан Монголын анхны улс төрийн байгууллага бөгөөд тасралтгүй 93 жил үйл ажиллагаа явуулж байна.

Улс үндэстнийхээ тусгаар тогтнол, ард түмнийхээ сайн сайхны төлөө чин үнэнчээр зүтгэх язгуур үндсэн зорилгодоо тууштай байгаагаа нотолж, МАХН-ын XXVI Их хурлаараа “Монгол Ардын Нам” хэмээх уугуул нэрээ сэргээж түүхэн шийдвэр гаргасан билээ.

Монгол Ардын Нам бол Монгол Улсынхаа тусгаар тогтнол, эрх чөлөө, шударга ёс, эв нэгдэл, үндэсний язгуур эрх ашгийг эрхэмлэн дээдэлсэн, нийгмийн ардчиллын үзэл баримтлал бүхий зүүн төвийн нам мөн.