Мэдээ мэдээлэл
ХЕХ: 2022 ОНЫГ ЁС ЗҮЙ, САХИЛГА ХАРИУЦЛАГЫН ЖИЛ БОЛГОН ЗАРЛАЛАА

Монгол Ардын Намын гишүүдийн сахилгыг чангатгаж, хариуцлагыг дээшлүүлэх, намын эв нэгдлийг хамгаалан бэхжүүлэх, намын дээд байгууллагын тогтоол шийдвэрийг биелүүлэхэд хяналт тавих үүрэгтэй Хяналтын Ерөнхий хороо 30 дахь Их хурлаар шинэчлэгдэж, 21 хүний бүрэлдэхүүнтэйгээр ажиллаж эхэлсэн. Хяналтын Ерөнхий хороо өнөөдөр 2022 оны анхны хурлаа хийлээ.

Хуралдаанаар Монгол Ардын Намын 30 дахь Их хурлаар намын дүрэмд авлига, албан тушаалын гэмт хэрэгтэй холбоотой 5 заалтыг тусгаж баталсан. Уг заалтуудыг хэрэгжүүлэх зөвлөмж гарган Удирдах зөвлөлийн ажлын албаны Хүний нөөцийн хэлтэст хүргүүллээ. Мөн Монгол Ардын Намын Удирдах зөвлөлөөс намын дунд шатны байгууллагуудын Бага хурлыг 2022 оны 1, 2 дугаар саруудад багтааж хуралдуулах чиглэл өгөгдсөн. Энэ ажлын хүрээнд 30 дахь Их хурлаар намын дүрэмд орсон нэмэлт өөрчлөлтүүдийг хэрэглэх зөвлөмж боловсруулах ажлын хэсгийг байгуулж, энэ сарын 20-ны дотор намын анхан шатны байгууллагуудад хүргүүлэх, намын анхан шатанд ажиллаж буй хяналтын байгууллагуудын дунд 2022 оныг ёс зүй, сахилга хариуцлагын жил болгох зарлах тогтоолыг баталж, уриалга, 2022 оны нэгдсэн төлөвлөгөө зэргийг гаргаж ажиллахыг тус тус  шийдвэрлэлээ.

Түүнчлэн Монгол Ардын Намын 30 дахь Их хурлаар батлагдсан намаас томилогдсон албан тушаалтнуудын сахилга хариуцлагыг дээшлүүлэх тухай 10 дугаар тогтоол, авлигын эсрэг дэвшилтэд бодлогын тухай 12 дугаар тогтоол зэрэг хэд хэдэн баримт бичгүүдийн хэрэгжилтийг хангах ажлыг Хяналтын Ерөнхий хороо манлайлж ажиллахаар болов.

Мөн намын анхан шатны байгууллагуудын Бага хурлууд зарлагдаж байгаатай холбогдуулж төлөөлөгч сонгох, хурлын тов тогтоохтой холбоотойгоор хэд хэдэн аймгаас Хяналтын Ерөнхий хороонд гомдол ирүүлсэн байна. Эдгээр гомдлуудыг хянан шалгаж, дүгнэлт гарган хариуцлага тооцох тогтоолыг баталлаа. Тодруулбал Өмнөговь аймгийн Монгол Ардын Намын хорооны орон тооны бус дэд дарга В.Мөнхбаттай холбоотой удаа дараагийн гомдлыг хянан шалгах явцад ёс зүй болон хариуцлагын зөрчил гаргасан нь нотлогдсон учир намын дүрмийн 6 дугаар зүйл, заалтуудын дагуу намаас гарсанд тооцох шийдвэрийг гаргасан бөгөөд гомдол ирүүлсэн Баян-Өлгий, Говь-Алтай зэрэг аймгуудын маргааныг хянан шалгах ажлын хэсгүүдийг байгуулж ажилд нь орууллаа.
Сэтгэгдэл (11)
66.181.179.xxx
2022-01-12
66.181.179.xxx
2022-01-12
66.181.179.xxx
2022-01-12
202.9.40.xxx
Ажилд нь амжилт хүсье.
2022-01-12
66.181.161.xxx
2022-01-12
192.82.64.xxx
Ajliin amjilt husei
2022-01-12
183.177.100.xxx
2022-01-12
66.181.161.xxx
2022-01-12
103.29.144.xxx
Сайн байна уу.Энэ уриалгыг дэмжиж байна.Ялангуяа намын нэрээр томоохон албан тушаалтануудад Ёс зүйн хариуцлагын гэрээг шинэчилэн хийж дүгнэж байх нь зүйн асуудал юмаа.Зарим нэг огт хийдэгүй.Зөвхөн сонгуулийн үед нэр тодий ажилладаг.Энэ ядалд хяналт тавьж байх зөв юм.Ажилд нь амжилт хүсэе.
2022-01-25
103.29.144.xxx
2022-01-25
66.181.167.xxx
Зөв шүү Монгол улсын 100 жилийн түүхтэй Улс төрийн ууган хүчин МАН нь ёс зүйн хэм хэмжээ алдсан авлигал хээл хахуултай холбоотой ажил албан тушаал эрх мэдлээ урвуулан ашигласан ашиг сонирхолын зөрчилтэй нөхдүүдтэй ёс зүй сахилга хариуцлагыг тооцож шинээр нэр цэвэр чадварлаг боловсон хүчнээр байнга сэлбэгдэж цэвэршиж байх ёстой. Энэ бол ардчилсан Монгол Улсын хариуцлагтай улс төрийн намын үндсэн зарчим нь байх ёстой. Нийгэмд шударга ёс бий болж МОНГОЛ УЛС МАНДАН БАДАРТУГАЙ .
2022-01-27
Дэргэдэх байгууллагууд
Монгол Ардын Намын хичээн эрмэлзэх зүйл (мөрийн хөтөлбөр), дүрмийг зөвшөөрч, үйл ажиллагааг нь дэмжихээ илэрхийлсэн Монгол Улсын 18 нас хүрсэн иргэн Монгол Ардын Намд гишүүнээр элсэж болно.