Мэдээ мэдээлэл
ХҮНИЙ ЭРХИЙН 29 СУРГАГЧ БАГШ БЭЛТГЭЛЭЭ
.jpg)
Монгол Ардын Намын 30 дугаар их хурлаар “Хүний эрхийг хамгаалах хууль, эрх зүйн аргачлал сайжруулах дэвшилтэт бодлого”-ыг баталсан. Энэ хүрээнд 5 томоохон ажлыг хийж, гүйцэтгэхээр төлөвлөсөн.
Нийгмийн бүхий л салбарт хүний эрхийн асуудал хөндөгддөг. Өнөөдөр бид хүний эрхийн асуудлыг хөндөгдөөд өнгөрөх бус харин ажил хэрэг, бодит биелэл болгох нь юу юунаас чухал. Ингэхийн тулд бүх салбарын төлөөлөл, бүлэгт хүний эрхийн талаарх хууль тогтоомж, эрх зүйн мэдээлэл, мэдлэг өгөх ёстой. Энэ ч утгаар хамгийн түрүүнд хүний эрхийн чиглэлийн сургагч багшийг бэлтгэх ажил эхэллээ.
.jpg)
Үүний нэг нь намын нийт гишүүнийхээ 10 хувийг буюу 30,000 гишүүнээ хүний эрхийн манлайлагчаар бэлдэх ажил юм. Ингэхдээ эхний ээлжид хүний эрхийн 1,500 сургагч багшийг бэлдэх бөгөөд сургагч багш нь хүний эрхийн манлайлагчийн сургалтыг зохион байгуулна.
Энэхүү зорилгын хүрээнд 2022 оны 4 сарын 22-24-ний өдрүүдэд Нийгмийн Ардчилал Монголын Эмэгтэйчүүдийн Холбоо, Хүний эрх, дэвшилтэт бодлогын хүрээлэн, Стратеги академи хамтран зохион байгууллаа. Энэхүү 3 хоногийн 24 цагийн багц сургалтад Нийгмийн Ардчилал Монголын Эмэгтэйчүүдийн Холбооны 29 гишүүн амжилттай суралцаж төгслөө.
