Мэдээ мэдээлэл
Дорноговь аймагт “Шинэ зууны-Дэвшилтэт бодлого” бүх шатанд хэрэгжиж эхэллээ
Монгол Ардын намын Нарийн бичгийн дарга Н.Энхбаатар, Монгол Ардын намын Хуулийн хэлтсийн дарга Ү.Амарбат нарын Дорноговь аймагт удирдан явуулсан “Шинэ зуун-Дэвшилтэт бодлого” сургалт энэ өдөр өндөрлөлөө.
.jpg)
Монгол Ардын Намын 30 дугаар их хурлаар “Хүний эрхийг хамгаалах хууль, эрх зүйн аргачлал сайжруулах дэвшилтэт бодлого”-ыг баталсан. Энэ хүрээнд 5 томоохон ажлыг хийж, гүйцэтгэхээр төлөвлөсөн.
.jpg)
.jpg)
.jpg)
Нийгмийн бүхий л салбарт хүний эрхийн асуудал хөндөгддөг. Өнөөдөр бид хүний эрхийн асуудлыг цаасан дээр буулгаад өнгөрөх бус харин ажил хэрэг болгох нь юу юунаас чухал. Ингэхийн тулд бүх шатанд байгаа намын гишүүдэд хүний эрхийн хууль эрх зүйн мэдээлэл, мэдлэг өгөх ёстой. Иймээс 21 аймаг, 9 дүүргийн намын бүх шатанд байгаа гишүүдэд хүрэх “Шинэ зуун-Дэвшилтэт бодлого” сургалт зохион байгуулагдаж байна.
.jpg)
Монгол Ардын нам ардчилсан засаглалыг бэхжүүлэгч, нөөц баялгын тэгш, хүртээмжтэй, шударга хуваарилалтыг дэмжигч, төрийн зохистой оролцоо бүхий эдийн засаг, нийгмийн сайн, сайхны төлөөх дэвшилтэт үзэл санааг дээдлэгч Монгол Улсын Тусгаар Тогтнол, Үндэсний Аюулгүй Байдлын Баталгаа, хөгжил дэвшлийн хөдөлгөгч хүч байх болно гэж үзэл баримтлалаа тодорхойлсон. Энэ үзэл баримтлалыг газар дээр бодитоор хэрэгжүүлэгч нь намын анхан болон дунд шатны байгууллагын гишүүд. Иймээс ч энэхүү сургалтыг орон даяар зохион байгуулж байгаа юм.
