НҮБ-ын Ерөнхий нарийн бичгийн дарга Антонио Гутерриш Афганистанд тулгарч буй сорилтуудын талаар зөвшилцөлд хүрэх зорилгоор Дохад хийсэн хаалттай бага хурлын дараа дараах мэдэгдлийг хийлээ.

Тодруулбал, НҮБ-аас зохион байгуулсан Афганистаны асуудлаарх олон улсын бага хурлаар “Афганистаны Засгийн эрх барьж буй Талибанчуудыг албан ёсоор олон улсад хүлээн зөвшөөрөөгүй учир шууд харьцах цаг нь болоогүй” гэж мэдэгдэв.

Энэ нь олон улсын тогтсон дэг журмыг цаашид баримталж, хүний эрх, эрх чөлөөг эрхэмлэсэн үйл ажиллагаа явуулах зарчимтай холбоотой юм.

Мөн Афганистанд тулгамдаж буй хүмүүнлэгийн хямрал, эмэгтэйчүүдийн эрх, терроризмтой тэмцэх зэрэг асуудлаар тус хурлыг зохион байгуулан 20 гаруй улс орны төлөөлөгч оролцжээ.

Эх сурвалж: https://www.aljazeera.com/news/2023/5/2/un-chief-says-not-the-right-time-to-engage-with-taliban

Орчуулсан: Стратеги Академийн эрдэм шинжилгээний ажилтан Б.Батмэнд